Responsive Ads Here

03 June 2017

યાદ રહી ગઈ...



તું નથી પણ તારી યાદ રહી ગઈ, 
કાજળભીનાં નયનોમાં ભીનાશ રહી ગઈ.. 

કાજળ રેલાય એ આંખોમાંથી 
આંસુ તો સુકાય ગયા પણ કાળાશ રહી ગઈ..

તું નથી પણ તારી યાદ રહી ગઈ, 
પવનમાં ઝૂલતી ઓઢણીની વાત રહી ગઈ, 

ટાંકેલા આભલાં તૂટ્યા એમાંથી પણ
સરકતા પાલવની રંગીન ભાત રહી ગઈ..

તું નથી પણ તારી યાદ રહી ગઈ, 
અર્ધખુલ્યા હોઠોમાં વાત રહી ગઈ, 

ના કહેવાયેલા શબ્દો રેલાય એમાંથી 
અવાજ તો ઓગળી ગયો ક્યાંક હવામાં પણ
આ અક્ષરોની ધૂંધળી છાપ રહી ગઈ.
- અંકિતા રાદડિયા 'શ્વેત'